Dende este luns 1 de xullo ata o día 6 deste mesmo mes celebrarase na ría da Estrela a cuarta edición da Ruta Rías Baixas Camiño de Santiago Ría Muros-Noia. Segundo se fixo saber na presentación da ruta, celebrada os días pasados no Monte Real Club de Iates de Baiona, unha trintena de veleiros tomarán parte desta ruta lúdica, que partirá o día 1 desde Baiona, para rematar en Portosín e logo facer por terra o último percorrido ata chegar á praza do Obradoiro, en Santiago. Na presentación explicouse tamén que ante a posibilidade de percorrer 90 millas náuticas e logo selar a acreditación xacobea en diferentes portos, os navegantes que participen poderán acadar a súa Compostela. A ruta está patrocinada pola banca Sabadell-Urquijo e vén da man da Asociación de Concellos do Camiño de Santiago pola Ría de Muros-Noia e os clubs náuticos de Portosín, Portonovo e Baiona, entre outras entidades (co apoio da Deputación de Pontevedra).
