Consolidada a gratuidade nas escolas infantís 0-3 de iniciativa social e privadas para o 100% do alumnado no próximo curso

24 Xuño 2024

O presidente da Xunta, Alfonso Rueda, anunciou hoxe que o Executivo autonómico investirá 45,7 millóns de euros de fondos propios para consolidar a gratuidade da atención educativa en escolas infantís de iniciativa social e privadas para o 100% do alumnado de 0 a 3 anos no vindeiro curso 2024/25, unha medida na que Galicia é “pioneira” e que é “practicamente única a día de hoxe entre todas as comunidades autónomas”.

Tal e como salientou Rueda, entre estes centros e os de titularidade pública, tanto os propios da Xunta coma os que dependen dos concellos, porase á disposición das familias preto de 32.000 prazas de balde, polo que, un curso máis, todos os nenos e nenas que acudan a estas escolas terán cuberta a atención educativa “en todas as escolas infantís de Galicia sexa cal sexa a renda da familia e sexan cales sexan as características da escola”.

Con esta medida, Galicia aspira a reforzar a súa posición de liderado que xa ten na escolarización no primeiro ciclo de Educación Infantil en España cunha taxa do 56,4%, dez puntos por riba da media. A nosa comunidade foi pioneira na implantación da gratuidade, un proceso que iniciou no curso 2019/20 para as familias con dous ou máis fillos e que no curso 2022/23 se ampliou ao 100% do alumnado.

Segundo salientou o presidente da Xunta, esta nova orde de axudas ten como novidade que “por primeira vez todas as escolas de iniciativa social e privadas aplicarán os mesmos criterios de preferencia no acceso”, dando prioridade ás familias con irmáns na escola, a fillos de traballadores do centro e a familias nas que traballan os dous proxenitores ou o proxenitor no caso de familias monoparentais. Isto aplicarase xa en 2025, para o acceso ao curso 2025/26.

Anticipos das axudas

Ademais, mantense o aboamento de tres anticipos ás escolas para axudas no mantemento da gratuidade. O primeiro deles será do 100% da cantidade correspondente ao período de setembro a decembro de 2024, para que os centros dispoñan da liquidez ao inicio do curso. O segundo anticipo será do 45% do importe da achega e efectuarase a comezos de 2025 para o período de xaneiro a marzo e o terceiro, da mesma contía, para os meses de abril a xullo. O 10% restante aboarase ao remate do curso.

A convocatoria sairá proximamente no Diario Oficial de Galicia (DOG) e abrirase o día seguinte ao da súa publicación un mes de prazo para que os centros se acollan a esta medida. As escolas que obteñan o permiso de inicio de actividades con posterioridade á publicación terán de prazo ata o vindeiro 30 de novembro.

Outros artigos

Rematan as obras da Escola de Deportes Náuticos de Aguiño

A alcaldesa de Ribeira, María Sampedro, e a concelleira de Obras, Herminia Pouso, visitaron hoxe a Escola de Deportes Náuticos de Aguiño para comprobar o resultado dunha actuación que supuxo un investimento de 1.179.750 euros, IVE incluído, para fornecer ao municipio...

+

O filme Salvaxe, Salvaxe proxéctase este venres en Noia

Este venres, o lobo ibérico chega á Casa da Cultura de Noia. O 23 de outubro, ás 20:00 h, a Casa da Cultura Antón Avilés de Taramancos acolle a proxección de Salvaxe, salvaxe, de Emilio Fonseca. Trátase dunha película incluída na programación contratada pola...

+

Publicidade

Revista en papel

Opinión

“Compartir el éxito de la empresa”. José Castro López

“Compartir el éxito de la empresa”. José Castro López

Conté en comentarios anteriores la historia del italiano, Enzo Rossi, director de unafábrica de pasta, que en el año 2007 se asignó un sueldo de 1.000 euros al mes paraexperimentar en carne propia si era posible vivir con esa cantidad y comprobar así lascondiciones...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.