Forma parte do ciclo de xornadas de traballo participativas e abertas do Laboratorio Ecosocial do Barbanza e a Fundación Montescola, dirixidas a despexar os nosos montes de especies invasoras e realizar podas de formación frondosas autóctonas. A xeira de traballo está aberta a todos públicos e ao remata ofrecerase un xantar para todas as persoas participantes. As inscricións poden facerse a través do correo info@montescola.org. O punto de encontro será Campo Maneiro, en Taragoña, ás 10.00 horas.
Como dixemos, esta actividade forma parte dunha serie de xornadas de voluntariado que se celebran esta tempada nos montes do Barbanza impulsadas polo Laboratorio e a Fundación Montescola, entidade esta última a cargo das actividades de prospectiva comunitaria, voluntariado e educación medioambiental do Laboratorio, que teñen como obxectivo implicar a cidadanía na recuperación da biodiversidade e fortalecer as redes colaborativas da comunidade.
