Esta segunda fin de semana de xuño vaise celebrar no Museo do Gravado de Artes a XVI edición do Obradoiro de Gravado: Gyotaku Gravado. A entrega de diplomas será o domingo 9 de xuño as 13.30 horas no taller de gravado do Museo. Nesta ocasión participarán 13 alumnos/as que proceden das provincias de Bizkaia, Valladolid, Madrid, Cáceres, Pontevedra e a A Coruña.
O curso desenvolverase en base ao seguinte horario: venres (de 16.00 a 20.00 h), sábado (de 10.00 a 14.00 h. e de 16.00 a 20.00 h) e domingo (10.00 a 14.00 h).
Os profesores que imparten as actividades formativas, todos eles da Universidade de Salamanca, son José Fuentes Esteve, Antonio Navarro e Isabel Carralero.
As sesións van dirixidas a artistas plásticos e/ou licenciados/as en Belas Artes ou xente interesada no mundo da estampa.
Lembrar que coas obras realizadas polo alumnado dos cursos de gyotaku realizarase unha exposición que terá lugar a finais de novembro no Museo do Gravado. Nesta ocasión será unha Homenaxe a Ribeira, xa que todos os peixes utilizados para realización das obras proceden da Lonxa de Santa Uxía.
O gravado gyotaku, para quen nono o saiba, o gyotaku é un método tradicional artístico xaponés. Esta técnica consiste na impresión natural dun obxecto, na súa orixe peixes (gyotaku é unha palabra composta na que “gyo” significa “peixe” e “taku” significa “fregar”). Esta técnica data de mediados de 1800. Trátase dunha forma de impresión natural que foi empregada usada por pescadores que querían ter un rexistro das súas mellores capturas, pero tamén converteuse nunha forma de arte.
