A impunidade coa que actúan os fondos voitre é unha evidente realidade que está a poñer en perigo a decenas de familias vulnerables, e non tanto, que están a ser desaloxadas das súas vivendas habituais sen alternativa habitacional, despois de moitos anos. Inmobles embargados, no seu momento a promotores inmobiliarios, por varias entidades financeiras son vendidas ou cedidas a fondos voitre, con capital estranxeiro, que se dedican agora a desaloxar a familias, con contratos de arrendamento e pagos das rendas ao corrente, para vender esas propiedades, ao mellor ofertante.
Grandes garfos e fondos voitre, como Blakstone, carecen de empatía, corazón e sensibilidade para con esas familias humildes. Unicamente venas como meros números nas súas contas de resultados. Desexan desaloxar as súas propiedades para continuar co negocio da especulación inmobiliaria, sen ningún tipo de control nin seguimento por parte das autoridades financeiras, da CNMV nin do Banco de España.
Está chegado o momento da política real e de que o gobernante elaboren e aproben leis que protexan os dereitos das persoas, entendendo a vivenda como un dereito e non como un ben de investimento ou un negocio para uns poucos privilexiados. En moitos países europeos, que tanto admiramos, levan décadas entendendo a vivenda como un dereito universal para todos os seus cidadáns, como xa o son a educación, a sanidade ou as pensións.
J
