Os programas Movida Urbana e Son Concilia 2024, impulsados polo Concello de Porto do Son para achegar ás familias unha completa listaxe de actividades de conciliación durante a tempada de verán, van abrir nesta recta final de maio o seu prazo de inscrición, concretamente este mércores 29 ás 9.00 horas (só serán validas as preinscricións que se realicen dende o mércores 29 ás 9.00 horas).
O programa Movida Urbana celebrarase en Porto do Son, Portosín e Xuño. Porase a disposición de rapazada de 3 aa 12 anos escolarizada en Infantil ou Primaria. Desenvolverase do 8 de xullo ao 14 de agosto.
O programa Son Concilia desenvolverase nas mesmas tres sedes que Movida Urbana: Porto do Son, Portosín e Xuño. Igualmente, poderán participar nenas e nenos de idades comprendidas entre os 3 e os 12 anos, escolarizadas/os en Infantil e Primaria.
1. Primeira quenda. Do 24 de xuño ao 5 de xullo. En horario de 8.00 a 14.00 horas. 80 euros por persoa.
2. Segunda quenda. Do 19 de agosto ao 30 de agosto. En horario de 8.00 a 14.00 horas. 80 euros por persoa.
3. Terceira quenda: do 2 de setembro ao 6 de setembro, en horario de 8.00 a 14.00 horas. 40 euros por persoa.
4. Servizo de madruga complementario á Movida Urbana. Do 8 de xullo ao 15 de agosto. De luns a xoves en horario de 8.00 a 10.00 horas. 55 euros por persoa.
5. Servizo de campamento os venres durante a época da Movida Urbana. Días 12, 19 e 26 de xullo, e días 2, 9 e 16 de agosto, de 8.00 a 14.00 horas. 60 euros por persoa.
Máis información en Somos Enredos SL, ocio e xestión de servizos a través do correo info@somosenredos.com ou o teléfono 633 845 708.
