Un veciño da Pobra recupera unha vivenda tras máis de catro meses ocupada

24 Maio 2024

Os ocupas realugábana e exercían nela a prostitución. O propietario vai crear unha asociación de afectados na comarca do Barbanza

TVG

Fabri acaba de saír dun pesadelo de catro meses. O tempo que durou a estancia duns ocupas no segundo andar dunha vivenda de Portocarro, na Pobra do Carmiñal. Di que a muller se aproveitou da súa boa fe.

Fabri, propietario da vivenda, conta que a muller pediulle quedar na vivenda antes de firmar o contrato de alugueiro. Díxolle que era unha muller maltratada e que non tiña onde durmir esa noite. El accedeu pero á mañá seguinte a muller díxolle que xa non lle interesaba a vivenda; díxolle que atopara outra en Ribeira e que nun par de días abandonaría esta.

Pero pasaron as semanas e a muller non abandonaba a vivenda. Pouco despois descubría da peor forma posible que a estaba realugando. 

Fabri dixo que un home saíu da casa asegurando que o drogaran e que lle roubaran a carteira. Asegura que nese momento deuse conta de que estaban realugando a vivenda para exercer a prostitución.

Tras este turbio episodio, ela prometeu que abandonaría a vivenda ao día seguinte…, pero nada máis lonxe da realidade.

Fabri afirma que chamou un cerralleiro para abrir porque pensaba que abandonaran a vivenda sen deixar as chaves. Di que cando entrou, a muller enfrontouse a el e acusouno de racista, de agredila e de entrar sen permiso na súa casa.

Foi a pinga que colmou o vaso, Fabri levou o caso aos xulgados. Pouco despois abandonaban a vivenda. Así e todo Fabri segue sen poder entrar. Ten que agardar unha autorización do xulgado para acceder á súa propia casa.

O propietario di que a lei de vivenda está ben pero que hai que darlle unha volta para que esta xente non se poda aproveitar das lagoas que ten.

Fabri xa avanzou que vai crear unha asociación de afectados a nivel comarcal para que outras persoas non teñan que vivir este pesadelo.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

O Culturgal Expandido recala esta semana en Muros

A edición 2026 do Culturgal Expandido chega esta fin de semana ao Mercado Municipal de Muros cunha programación gratuíta e para todas as idades. Na presentación do programa participaron Natividad Gonzalez, deputada de Cultura da Deputación da Coruña; María Lago,...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.