A construción, como o resto de actividades laborais, é fundamental para o crecemento económico e social de calquera sociedade. No ano 2003 naceu, na comarca do Barbanza, o Centro Empresarial da Construción, co obxectivo primordial de unir, defender e dignificar ao sector e ás súas industrias auxiliares.
O CECB comezou con forza e valentía. Era un referente, non unicamente na Comarca senón en toda Galicia, para facilitar información, formación e financiamento para proxectos comúns tendentes á creación de emprego e de riqueza, tras a crise do ladrillo. Foron numerosos os cursos de formación, cursos técnicos sobre prevención e regas laborais, charlas profesionais, encontros sectoriais, procura de leitos de financiamento, liña directa con gobernante locais, provinciais e autonómicos para as aprobacións dos plans urbanísticos, creación ou ampliación dos polígonos industriais ou a construción de vivendas con destino, maioritariamente, a uso público e participación na toma de decisións.
Dúas décadas despois observamos, obxectivamente, un parón importante na xestión, a defensa e o futuro do CECB que podería levar á súa desaparición, en claro prexuízo deste importante sector laboral máxime nestes momentos no que todos os interlocutores políticos e gobernante do país apostan pola construción de novas vivendas, como quinto piar fundamental das políticas públicas.
J
