O vindeiro venres 17 de maio, Día das Letras Galegas, o Campo de Pazos (Taragoña, Rianxo) volverá temporalmente ao pasado coa Feira de 1906, organizada polo Festival Antrospinos coa colaboración do Concello de Rianxo.
Durante toda a xornada as persoas asistentes poderán desfrutar de música a esgalla e xogos populares.
As actividades darán comezo ás 14.00 horas, cunha sesión vermú con Antón Ke. Ás 18.00 horas haberá concertos de serán, con Estróupele, Vai de Roda, FogoFatuo, Os Liantes e Os Pequenos do Barbansa. Pola noite actuará a Punkestra Chumeiras. Porá o colofón da festa o DJ Enxebre.
O programa da feira inclúe postos de artesanía, xogos populares, polbeiro e un xantar popular.
Podemos consultar o programa na axenda do Barbanza.
