Unha vez rescatada, a muller tivo que ser evacuada en ambulancia.
Estaban a piques de ser as 10:00 horas desta mañá cando unha persoa informou ao 112 Galicia de que caera nunhas rochas dunha praia próxima á illa de Areoso. A muller estaba ferida logo da caída, polo que lle resultaba difícil saír da zona.
Tras saber isto, os xestores do 112 Galicia informaron ao ao Servizo de Urxencias Sanitarias de Galicia-061, Bombeiros de Vilagarcía, Garda Civil de Pontevedra e Policía Local da Illa de Arousa.
Xa no lugar, tanto Bombeiros como efectivos da Policía Local axudaron á ferida a desprazarse ata a ambulancia para que fose atendida e trasladada.
