A Aula CeMIT de Ribeira formará á cidadanía en eAdministración, xestión empresarial, ecommerce e mercadotecnia

09 Maio 2024

O segundo tenente de alcalde de Ribeira, Francisco Suárez-Puerta e o concelleiro Fernando Abraldes presentaron este xoves 9 de maio os novos cursos de capacitación tecnolóxica que se desenvolverán na Aula CeMIT municipal durante os meses de maio e xuño, en horario de mañá, organizados pola Concellería de Novas Tecnoloxías. Porán o foco no uso das ferramentas de Google, na xestión empresarial con novas ferramentas, na mercadotecnia (marketing), nas mellores técnicas para vender en Internet e en como tirar proveito das ferramentas da eAdministración (Administración Electrónica).

“Estes cursos están pensados para facilitar ás empresas de Ribeira as ferramentas necesarias para a súa dixitalización”, explicou o concelleiro de novas tecnoloxías, Suárez-Puerta.

As actividades que se impartirán serán as seguintes:

– Ferramentas de xestión e comunicación I: Gmail, Google Meet, Drive e Calendar, o 24 de maio.

– Ferramentas de xestión e comunicación II: Google Sites, Trello e Slack ,o 24 de maio.

– Ferramentas de xestión e comunicación III: mercadotecnia por email, CRM e facturación, o 31 de maio.

– Marketing dixital I, como crear unha marca, o 31 de maio.

– Marketing dixital II: crear contidos de valor, promoción a través de FB e IG, e análise de indicadores de resultado, o 7 de xuño.

– Marketing dixital III, SEO, SEM, Google Analytics e Google Ads, o 7 de xuño.

– Comercio electrónico I, introdución ao comercio electrónico, o 14 de xuño.

– Comercio electrónico II: como vender os teus produtos en marketplaces e crear a túa propia tenda en liña, o 14 de xuño.

– Administración Electrónica: DNIe, certificado electrónico e sinatura electrónica, o 21 de xuño.

As inscricións poderanse realizar a través do correo cemit.ribeira@xunta.gal ou ben mediante o teléfono 981876043.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.