“Vía Morta” mergúllanos este venres en Rianxo no día a día das persoas refuxiadas

09 Maio 2024

Este venres 10 de maio, a partir das 21:00 horas, o Auditorio de Rianxo acollerá a obra Vía Morta, un espectáculo de Culturactiva e Pallasos en rebeldía que pretende achegarnos dun xeito inmersivo á realidade dos refuxiados e refuxiadas.

Previamente, a partir das 20:00 horas, terá lugar no Auditorio de Rianxo unha charla que leva por título Palestina: cen anos de colonialismo. A través dela poderemos coñecer algo mellor a realidade da situación que está sufrindo o pobo palestino.

Segundo explican dende Culturactiva e Pallasos en Rebeldía, Vía Morta “pretende ser, máis que un espectáculo teatral, unha experiencia a través do teatro: unha montaxe teatral que pretende traer a realidade dos refuxiados e refuxiadas ao público de Galicia a través dunha proposta que converte ao espectador nun refuxiado máis”.

A obra denuncia a traxedia que as políticas migratorias da UE están a provocar. “O teatro non pode ficar impasíbel ante a deliberada política de esquecemento á que as persoas refuxiadas son hoxe sometidas”, sinalan os creadores da peza.

En Vía Morta, unha médica siria interpretada por Anabell Gago agarda poder seguir a súa viaxe ata Alemaña, onde espera atoparse co seu fillo e netos. Pero o tren nunca acaba de chegar a esta vía morta e os refuxiados e refuxiadas comezan a desesperarse. Un pallaso, Iván Prado, dunha entidade de cooperación galega chega ao campamento e, ante a atenta e desafiante mirada do policía de fronteira (interpretado por Fran Rei), realiza unha performance clown para os nenos e nenas que están dentro do valado de arame. Asemade, aparece a mirada inocente, pero crítica, dunha nena (personaxe de Rocío Salgado) que non entende o que está a acontecer.

Outros artigos

Publicidade

Revista en papel

Opinión

“Manuel ¿para qué sirve la música?”. Manuel Dominguez III

“Manuel ¿para qué sirve la música?”. Manuel Dominguez III

Manuel ¿para qué sirve la música? ¿Te podrías imaginar un mundo, la vida sin música, podrías vivir en ese mundo? Te imaginas ir al campo, y que faltase ese cantar del Mirlo o del Jilguero, que el silencioso fuese, tal silencio que hasta faltase el ulular del viento....

“Pensando nun futuro mellor”. Luís Celeiro

“Pensando nun futuro mellor”. Luís Celeiro

“O mellor está por chegar” é unha expresión que se lle atribúe a aquel recoñecido poeta inglés,Robert Browning (1812-1889), que tantas veces reflexionou sobre o sentido da vida, o paso dotempo e a vellez das persoas e das cousas. Sobre a esperanza no futuro, que vén...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.