O público da Pobra asiste á estrea de María Fernández Sandoica como escritora

04 Maio 2024

Un poemario dividido en tres partes que explora a temática amorosa dende Romper(nos), pasando por Reconstruir(nos) ata Amar(nos). María Fernández Sandoica expresa en Todo lo que no confundimos por amor o anhelo da relación que houbo un día e xa non existe, a esperanza de volver a vivir esa experiencia e a propia esencia do sentimento.
Cento corenta páxinas con numerosos poemas de métrica variada como Serendipia, Sempiterno, Promesas contigo, Hazlo tú, El tiempo con ganas o Tu tren sin mi destino.
Toda unha primeira viaxe polo mundo do verso que a autora compartiu co público pobrense na tarde deste 3 de maio, no Auditorio do Museo Valle- Inclán.
“A escritura constitúe para moitas persoas unha maneira de desafogarse e, sucede moitas veces, que ese vehículo de expresión se converte nun produto cultural debido á calidade do plasmado. E esta é unha desas ocasións. Asistimos á presentación do primeiro libro dunha moza, María, quen destaca polo seu talento noutras disciplinas artísticas como a música e agora pega o salto á literatura”, manifestou a concelleira da Cultura, Patricia Lojo, durante a súa participación no acto. A edil precisou que este poemario aborda “un sentimento universal como é o amor, polo que non é de estrañar que sexa de corte intimista, cunhas percepcións coas que se pode sentir identificado cada un e cada unha de nós.”
Unha creación que contén tamén pequenas reflexións que serven de fío condutor entre composicións, ademais de facer uso de caligramas.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.