A Garda Civil arrestou a un veciño orixinario de Ribeira, xunto con outros tres sospeitosos, pola presunta comisión dun roubo con forza nunha vivenda deshabitada na localidade de Outes . O instituto armado tivo coñecemento destes feitos a través da chamada dun cidadán que alertou sobre tres individuos que entraron nunha casa tras baixarse dun vehículo. Os axentes desprazáronse ao lugar dos feitos e, co reforzo de patrullas de Porto do Son, Negreira, Milladoiro e Padrón, localizaron o vehículo implicado nunha rúa próxima.
Un dos sospeitosos foi retido mentres estaba ao volante do vehículo, mentres que a inspección dos efectivos da Benemérita nos arredores permitiu achar a un segundo individuo tentando fuxir do patio dunha casa próxima, quen tamén foi retido.
As dilixencias instruídas foron remitidas ao Xulgado de Primeira Instancia e Instrución Número 1 de Muros, onde os detidos foron postos ao dispor xudicial.
