Trescentos nenos e nenas de Rianxo gravarán este venres dúas cancións con Pauliña e Xurxo Souto para o proxecto Embaixadores Rock in Rian

12 Abril 2024
O músico e escritor coruñés Xurxo Souto

Trescentos nenos e nenas de Rianxo gravarán este venres 12 de abril, no Auditorio Municipal, dúas cancións con Pauliña e Xurxo Souto para o proxecto Embaixadores Rock in Rian. Os estudantes do colexio Brea Segade e os do A.D.R. Castelao realizarán os seus rexistros sonoros ás 10 e ás 12 da mañá, respectivamente. As gravacións completaranse o luns cos alumnos do colexio Ana María Diéguez, que gravarán un tema con Sés, e os do IES Félix Muriel que o farán con Dios Ke Te Crew. As catro cancións serán editadas nun vinilo e o proxecto quedará rexistrado nun documental.

En total, participarán na experiencia máis de 500 rapaces e rapazas de Rianxo, repartíndose nas sesións programadas para este venres, e tamén para o luns.

A iniciativa forma parte do proxecto Embaixadores Rock in Rian, impulsado polo festival do mesmo nome, que pretende achegar a música galega e os seus protagonistas aos máis cativos pero “facéndoo dun xeito participativo, de xeito que elas e eles non só sexan os espectadores senón tamén os protagonistas”.

As gravacións deste venres terán lugar no Auditorio de Rianxo. Ás 10 da mañá serán arredor de 150 nenos e nenas do colexio Brea Segade as que gravarán unha canción con Pauliña. Ás 12 de mediodía serán outros 150 alumnos e alumnas do colexio A.D.R. Castelao os que farán o propio con Xurxo Souto.

As gravacións continuarán o luns. Tamén arredor de 150 estudantes do colexio Ana María Diéguez gravarán unha canción con Sés. Será tamén no auditorio de Rianxo.

Ao mesmo tempo, arredor de 6o alumnos e alumnas de Secundaria do IES Félix Murial desprazaranse o luns ata Ordes para rexistra un tema xunto a Dios Ke Te Crew nos seus estudos de gravación.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.