Ribeira traballa na reparación do saneamento tras unha rotura ocasionada pola ondaxe e o temporal en Coroso

07 Abril 2024

As persistentes choivas e os temporais agudizaron a modificación do curso do río Grande na praia de Coroso, un fenómeno que vén ocorrendo desde hai anos. Estas condicións climáticas xeraron a formación de meandros e a erosión da area, culminando na ruptura dunha tubaxe da rede de saneamento de Ribeira durante a última madrugada. Esta situación delicada, segundo advertiu o alcalde, Luís Pérez Barral, podería resultar en verteduras residuais en Insuela.

Ademais, o alcalde sinalou que técnicos municipais e da empresa Viaqua están a traballar para atopar unha solución. Segundo detallou, o servizo de saneamento está interrompido entre Ribeira e Palmeira. O Concello tamén ten a intención de coordinarse coa demarcación de Costas para establecer medidas que preveñan futuros danos desta índole.

O Concello iniciou accións para abordar o problema con prontitude. O alcalde, acompañado polo concelleiro de Mar, Fernando Abraldes, e a concelleira de Servizos Municipais, Tania Redondo, trasladáronse ao lugar afectado. Pérez Barral informou que o servizo municipal de emerxencias acordoou a zona e notificouse a incidencia ás autoridades de Costas. Como medida preventiva, aconséllase aos veciños que eviten achegarse á área debida ao risco de posibles desprendementos de area.

Concello

Outros artigos

Publicidade

Revista en papel

Opinión

“Compartir el éxito de la empresa”. José Castro López

“Compartir el éxito de la empresa”. José Castro López

Conté en comentarios anteriores la historia del italiano, Enzo Rossi, director de unafábrica de pasta, que en el año 2007 se asignó un sueldo de 1.000 euros al mes paraexperimentar en carne propia si era posible vivir con esa cantidad y comprobar así lascondiciones...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.