O vindeiro xoves 11 de abril vaise celebrar o décimo aniversario da actividade do Restaurante Moanin en Boiro. Será ás 21.00 na Pousada da Galiza Imaxinaria. Segundo informa a patronal boirense (a ABE, da que forma parte este xa histórico establecemento hostaleiro posto en marcha hai unha década por Luisma e Miriam), a cita será unha celebración dun tipo de gastronomía sustentábel que aposta polo local e polos produtos de proximidade pero que compatibiliza este espírito cun “carácter viaxeiro e coa busca continua de sabores auténticos adquiridos da experiencia: do profundo respecto ao produto e cun punto de creatividade”. A celebración será amenizado musicalmente polo DJ Gafapasta.
