O Concello de Ribeira inicia as obras de saneamento e pavimentado en Sirves

04 Abril 2024

O alcalde de Ribeira, Luís Pérez e os concelleiros Xabier Vidal e Tania Redondo visitaron este xoves 4 de abril os traballos para dotar de saneamento e pavimentado ao núcleo de Sirves (Olveira), nos que o Concello está a investir máis de 70.000 euros.

Segundo explicaron respecto dos obxectivos deste proxecto, no lugar de Sirves “existían tres camiños con un firme moi deteriorado, polo que se procedeu á súa pavimentación para que se poida circular polos mesmos en condicións seguras”. Ademais, sinalaron, “en dous camiños non existía rede de saneamento, polo que se instalou unha liña de 390 metros para proporcionar este servizo á veciñanza do lugar”.

“Dende o equipo de Goberno seguiremos traballando para proporcionar estes servizos básicos en tódalas parroquias e lugares que o precisen”, afirmou o alcalde Luís Pérez, engadindo que “a pavimentación e o saneamento son elementos fundamentais para o desenvolvemento sustentábel e a mellora da calidade de vida nas parroquias”.

Por outra banda, tamén informaron do inicio dos traballos para mellorar a estrada da Revolta, que está a ser acondicionada pola brigada de obras municipal para facilitar a circulación de vehículos.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.