O Concello de Ribeira inaugura a exposición “Callejeras”, de Ruth Montiel

23 Marzo 2024

O Concello de Ribeira inaugura este sábado a exposición Callejeras, de Ruth Montiel, no Mercado Municipal de Ribeira.

Esta mostra está organizada xunto coa asociación Callejeros Barbanza a propósito do comezo da nova xestión das colonias felinas no Concello.

“Comezaremos acondicionando as colonias con casetas, cartelas informativas e dando amparo ás persoas alimentadoras dende o concello con carnés identificativos e cursos que acrediten o seu coñecemento”, sinalou a concelleira de Benestar Animal, Antía Alberte, destacando tamén o labor de Callejeros Barbanza coa xestión, capturas, formacións e sensibilización arredor das colonias felinas.

“A preocupación polo benestar animal é tal que este Goberno decidiu empregar parte da partida municipal para adicala a unha mellor xestión e control e benestar das colonias felinas”, sinalou a concelleira, apuntando que “o noso obxectivo non é nin máis nin menos que o de pór solución a toda esta problemática na contorna, en especial a parte da xestión e o tratamento das colonias felinas, posto que a día de hoxe é o que está máis descontrolado. A subvención recibida implicará a esterilización, a vacinación, a posta de chips e tamén actividades, obradoiros e exposicións coma a que estades a ver, que sensibilicen os cidadáns”.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.