Nunha acción coordinada entre os Bombeiros de Cee, voluntarios de Protección Civil e axentes da Policía Local levaron o ferido nunha padiola ata onde agardaba o equipo médico.
O accidente produciuse sobre as doce do mediodía na desembocadura do río, no Pindo en Carnota. Alí caeu o señor, pero rápido conseguiron sacalo da auga. A necesidade que se formulaba nese momento era trasladalo desde ese lugar ata o punto máis próximo ao que se puidera achegar a axuda médica.
Deste xeito, desde o 112 Galicia, pediuse a colaboración dos Bombeiros de Cee, membros do GES de Muros, voluntarios de Protección Civil, así como dos axentes da Policía Local e da Garda Civil.
Pola súa parte, os profesionais de Urxencias Sanitarias de Galicia-061 xa tiñan coñecemento sobre o suceso e tiñan en marcha unha dotación. Cómpre indicar que o suceso produciuse moi preto do Centro de Saúde.
Finalmente, os equipos de emerxencia trasladaron o ferido nunha padiola ata onde agardaba a ambulancia.
