O xornalista Ramón Reboiras, natural de Dodro, presentou na Casa de Galicia de Madrid a súa nova novela El chevrolet de Pessoa.
O acto consistiu nunha entrevista por parte da xornalista Karmentxu Marín, que preguntou a Reboiras sobre o seu libro, unha obra que ten como punto de partida un poema de Pessoa baseado na estrada de Sintra e asinado polo seu heterónimo Álvaro de Campos e onde o escritor de Dodro traza episodios “dunha vida que se extingue”. Coma no poema, o protagonista non esta cómodo nin en Lisboa nin en Sintra, punto de destino. Son episodios dunha vida trazada con humor e compañeirismo onde non se esquece da familia.
Ramón Reboiras naceu en San Xián de Laiño. Traballou en revistas como Cinemanía ou Rolling Stone, foi director cultural de FNAC España e desde o 2017 dirixe Tinta Libre.
O cantante galego Javier Lago foi o encargado de clausurar o acto.
