O CIM de Ribeira organiza distintos actos e obradoiros con motivo do 8M

01 Marzo 2024

A concelleira de Igualdade, Cruz Rivadulla, a concelleira de Cultura, Antía Alberte e a responsábel do CIM de Ribeira, Loli Crujeiras, presentaron este venres 1 de marzo pola mañá os actos que terán lugar a vindeira semana con motivo do Día Internacional da Muller (8M).

O 4 e o 5 de marzo desenvolverase o obradoiro As mulleres que nos constrúen, dirixido ao alumnado de primaria co CEP Plurilingüe de Carreira e o CEP Plurilingüe de Artes, e o 6 de marzo celebrarase o contacontos Cabaleira dirixido ao alumnado de primaria no Auditorio Municipal. “Esta programación ten como propósito educar e celebrar a diversidade, destacando o poder da igualdade de xénero e o papel fundamental da muller na sociedade.” explicou a concelleira Cruz Rivadulla.

O día 7 de marzo o Centro de Información á Muller de Ribeira organiza un obradoiro gratuíto de Bixutería e Reciclaxe con Lixo Atelier, para o que será preciso facer unha inscrición previa na conta de correo ribeiradinonvx@ribeira.gal.

O día 8 celebrarase unha Homenaxe ás mulleres das Artes Plásticas no Auditorio Municipal ás 12:00 coa intervención da escultora Soledad Penalta e a escritora Patricia Torrado. Loli Crujeiras animou a participar nesta homenaxe “a tódalas mulleres que teñan unha traxectoria ou faceta artística na súa vida, aínda que non sexa exclusiva”.

A concelleira de Cultura Antía Alberte, lembrou que o programa do Marzo Cultural comeza este 1 de marzo coa inauguración da mostra EmpoderArte no C.C. Lustres Rivas, unha exposición colectiva de mulleres artistas locais. A concelleira destacou a “necesidade de integrar o feminismo de forma transversal en todas as políticas e actividades desenvolvidas no ámbito municipal” e o compromiso “deste equipo de goberno a adoptar un enfoque feminista en todas as nosas iniciativas”.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.