Varios veciños de Dodro e sendeiristas denuncian os danos da Ruta Pensa Nao e o entorno do petróglifo da Devesa dos Mouchos.
Os danos nos camiños e do entorno do petróglifo foron realizados durante as labores de corta de madeira feita por empresas madeireiras que están actuando no lugar. Aparte dos danos nos camiños, tamén se aprecian restos de garrafas plásticas de aceites, combustibles e de todo tipo de refrescos e auga ao longo de todo o percorrido do roteiro segundo nos informan varios veciños e sendeiristas que estes derradeiros días viron imposible a realización desta ruta. Hai varios postes de sinalización do roteiro tirados e mesmo tronzados a beira dos camiños.
O Roteiro Pensa Nao foi financiado por Turismo da Deputación da Coruña, percorre os principais xacementos arqueolóxicos do concello e os lugares da novela de Anxo Angueira do mesmo nome. Foi inaugurado en decembro de 2022.
O petróglifo da Devesa foi descuberto no 2015, está formado por círculos concéntricos e con coviñas no centro destes, sobre unha rocha nas inmediacións da aldea da Devesa dos Mouchos, no lugar de Viachán. Ten certas semellanzas cun labirinto do Petróglifo de Mogor en Marín.
Ficha en O Baixoulla.gal:
https://www.obaixoulla.gal/elementos/dodro/arqueoloxia/petroglifo-da-devesa-dos-mouchos
