O Concello de Boiro e Barbanza Golf impulsan un programa de golf para maiores de 65 anos. Trátase de cursos de golf gratuítos de seis clases de iniciación para persoas maiores de 65 anos ou pensionistas empadroados no municipio.
As clases serán grupais de entre 3 e 6 alumnos e vanse levar a cabo os xoves de 11.00 a 12.00 horas entre o 29 de febreiro e o 4 de abril, e os venres no mesmo horario dende o 1 de marzo ao 5 de abril.
As inscricións poden facerse no Departamento de Deportes do Concello de Boiro, situado na Casa da Cultura de Boiro, mediante o enderezo electrónico deportes@boiro.org ou o teléfono 981 84 84 25.
