O pobrense Teatro Cine Elma será escenario o domingo 26, ás 19.00 horas, da proxección do filme Los amigos. La pinícula. Trátase dunha peza audiovisual que xurdiu hai un par de anos cando varios compañeiros de profesión empezaron a gravar unha historia de humor absurdo e irreverente no seu tempo libre.
De seguido, crearon unha páxina de Facebook onde colgaban tódolos avances e, ao pouco tempo, comezaron a gañar adeptos e popularidade, traducíndose nunha maior expectación e incorporando a numerosos actores que se ofreceron a colaborar tales coma Manuel Manquiña, Xosé A. Touriñan, David Amor, Federico Pérez, Pepo Suevos, David Perdomo, Marcos Pereiro, Luma Gómez ou Marta Doviro, entre outros.
Así mesmo, uníronse a esta aventura personaxes relevantes da cultura galega coma, por exemplo, Susana Seivane, Brais Morán, Kiko Novoa ou Sevi Martínez.
Foi entón cando, co obxectivo de acollelos a todos, se transformou en guión, recollendo o título o espírito da película.
A entrada é de balde, ata completar o aforo.
