A Oficina Móbil Retorno a Galicia, iniciativa itinerante da Xunta para facilitar a volta de persoas emigrantes e dos seus familiares, estará esta semana, o mércores 14 de febreiro en horario de 9.30 a 14.00 horas, na explanada marítima da vila.
A Secretaria Xeral de Emigración puxo en marcha o programa Oficina Móbil de Atención ás Persoas Emigrantes Retornadas. O obxecto deste programa é promover a inclusión e integración da poboación emigrante retornada e dos seus familiares en todo o territorio galego, cubrindo as necesidades de atención en todas aquelas áreas ou concellos que teñan máis dificultades para acceder ás sedes da Oficina de Retorno, situadas nas principais cidades galegas.
Ofrécense servizos como asesoramento personalizado, información sobre programas de retorno, xestión de trámites, orientación laboral e profesional e soporte en materia de vivenda e educación.
Máis información no teléfono 900 103 722.
