O Pleno da corporación do Concello de Boiro deu luz verde ao Plan de Obras e Servizos da Deputación da Coruña destinado a obras e gastos sociais. O alcalde, José Ramón Romero, o concelleiro de Urbanismo e Obras, Luís Ruiz, e o concelleiro de Política Social, Raúl Treus, explicaron polo miúdo os proxectos.
O Concello de Boiro recibe da Deputación da Coruña un total de 802.815,32 euros correspondentes ao Plan de Obras e Servizos (POS+2024).
Este importe está dividido en obras e gasto corrente, para o que se destina un total de 691.533,99 euros, e gastos sociais extraordinarios, para o que se destinan 111.281,33 euros.
O alcalde, José Ramón Romero, agradeceu á Deputación da Coruña “esta achega que nos fai aos concellos da provincia de forma equitativa e con criterios obxectivos”. “Unha achega que nos axuda moito aos Concellos que, como Boiro, empregamos para facer obras en núcleos rurais das distintas parroquias da comarca”, afirmou.
Renovación do pavimento e mellora da seguridade vial na subida de Espiñeira
Unha actuación de 147.100,33 euros que consiste na renovación do pavimento asfáltico e instalación de garda railes na principal vía de enlace entre o núcleo urbano de Boiro e o polígono industrial de Espiñeira, así como o principal acceso ao instituto público de Espiñeira.
Renovación de servizos e pavimento na rúa 52 entre o encontro cos DP-1107 ata o Esteiro As obras ascenden a un total de 148.843,26 euros para levar a cabo a instalación dunha nova rede de recollida e canalización de augas pluviais así como a instalación dunha nova rede de auga potable e a reposición do pavimento do vial.
Renovación de pavimentos en núcleos rurais
Trátase dun proxecto dun importe de 153.206,10 euros co que se busca a mellora de camiños públicos municipais cun importante estado de deterioro para mellorar a vertebración do territorio. Vaise actuar no Boiro de Arriba, Armada e Aspra, Cubeliños, Pazos de Coroño, e pavimento e pluviais no Saltiño.
Acondicionamento do entorno do Lavadoiro de Comoxo Unha actuación dun importe de 323.194,90 euros que se levan no POS+
adicional, unha obra coa que se pretende acondicionar unha zona do núcleo de Comoxo, renovando o lavadoiro e acondicionando e humanificando a contorna.
Ademais destas actuacións o Concello de Boiro vai destinar un importe de 242.384,33 euros da axuda provincial a financiar gastos correntes e un importe de 3.234,54 euros para a redución da débeda.
En canto ao POS+ de gastos sociais extraordinarios vaise destinar aos seguintes conceptos: Reforzo do persoal técnico administrativo – 20.000 euros
Ampliación das partidas destinadas a axudas de emerxencia – 27.281,33 euros
Axudas de respiro familiar – 20.000 euros
Atención a persoas sen fogar – 1500 euros
Atención a persoas vulnerables – 14.900 euros
Axudas en gastos de consumo enerxético – 2.500 euros
Adquisición de equipamento técnico e asistencial para cesión – 13.000
euros
Equipamento para actividades e programas sociais – 12.100 euros
