A Asociación de Empresarios de Ribeira puxo en marcha unha nova edición da súa Campaña de San Valentín, destinada a seguir fortalecendo o tecido de establecementos locais, fomentar as compras de proximidade e recompensar a fidelidade da cidadanía aos negocios do concello. En concreto, compensarase este compromiso co local con dúas ceas para dúas persoas, segundo fixo saber a patronal ribeirense, engadindo que para participar, as e os clientes deben facer algunha compra nos establecementos asociados entre os días 3 e 14 de febreiro, e rexistrar os tíckets adquiridos na web da asociación, www.empresariosriveira.com. Como dixemos, entre todos os tíckets rexistrados a patronal sorteará dúas ceas para dúas persoas nas que os premiados ou premiadas poderán elixir o restaurante dentro dos asociados da entidade. Esta campaña está co-financiada pola Xunta de Galicia.
