Detido un veciño de Noia acusado de dous roubos con forza en hoteis e dun furto nun coche

19 Novembro 2026

Os feitos producíronse na madrugada do 11 ao 12 de novembro no centro urbano da vila noiesa e saldáronse coa subtracción duns 900 euros en efectivo, ademais de produtos de alimentación e bebidas.

A Garda Civil do Posto de Noia detivo un home de 51 anos, veciño da propia localidade, como presunto autor de dous delitos de roubo con forza en establecementos de hostalaría e dun delito de furto no interior dun vehículo estacionado na vía pública.

Segundo informou o instituto armado nun comunicado, a detención produciuse o pasado 13 de novembro a raíz dos asaltos rexistrados durante a madrugada do 11 ao 12 dese mesmo mes no casco urbano noiés. Nesa noite perpetráronse dous roubos con forza en sendos establecementos hoteleiros e un furto nun turismo aparcado na rúa.

Durante a mañá do día 12, os responsables dos locais afectados acudiron a presentar as correspondentes denuncias tras comprobar os danos materiais causados nas instalacións e botar en falta diñeiro en metálico, así como diversos artigos de alimentación e bebidas. O botín subtraído estímase nun total aproximado de 900 euros en efectivo, aos que se suma o valor dos produtos levados.

Tras recibir os avisos, unha patrulla da Garda Civil de Noia fíxose cargo das primeiras dilixencias. O labor policial desenvolvido, unido á colaboración cidadá e ás xestións posteriores de investigación, permitiu identificar rapidamente o sospeitoso como presunto responsable dos tres feitos delituosos e proceder ao seu arresto.

Outros artigos

Publicidade

Revista en papel

Opinión

“Ameazas de bombas para os escolares galego”. Antón Luaces

“Ameazas de bombas para os escolares galego”. Antón Luaces

Unha trintena de centros escolares públicos e privados galegos recibiron onte, mércores, cadanseu correo electrónico con esta expresiva mensaxe: "Si desea salvar la vida de los estudiantes, abandone el edificio". Con educación e perfecto castelán, mais cun ton...

“Pensar doe”.  Xosé A. López Silva

“Pensar doe”.  Xosé A. López Silva

.Hai xa bastantes anos insistíalle eu a un alumno que se atascara nunha tradución do latín: «Pensa, pensa!». O rapaz moveu a cabeza e, ao cabo duns segundos, estoupou, o pobre: «Pensar doe, profesor!». Durante moito tempo contei aquela resposta como unha simple...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.