O Servizo Galego de Saúde (Sergas) e as organizacións sindicais representadas na Mesa Sectorial de Sanidade asinaron este luns un novo acordo histórico centrado en mellorar as condicións laborais e retributivas do persoal sanitario, cun especial foco nos residentes en formación sanitaria especializada (MIR, EIR, PIR…) e na conciliación das guárdas médicas.
O pacto, rubricado no Edificio Administrativo de San Lázaro, dá cumprimento ao acordo de fin de folga acadado o pasado 8 de maio e será elevado proximamente ao Consello da Xunta para a súa posterior publicación no Diario Oficial de Galicia (DOG).
Principais claves do acordo
1. Novo complemento de residencia (2027-2029)
Créase un concepto retributivo específico para o persoal residente, que se implantará de forma progresiva a partir do 1 de xaneiro de 2027:
- Persoal A1 (MIR, PIR, etc.): Acadará os 120 euros ao mes en 2029 (75 € en 2027 e 100 € en 2028).
- Persoal A2 (EIR – Enfermaría): Acadará os 90 euros ao mes en 2029 (56,25 € en 2027 e 75 € en 2028).
- A partir de 2030, estas cantidades actualizaranse segundo o incremento xeral fixado nas leis orzamentarias.
2. Suba do prezo da quinta garda e sucesivas
Con efectos retroactivos desde o pasado 1 de xuño de 2026, mellorase a retribución por hora para as gardas a partir da quinta no persoal residente A1:
- R1 (1º ano): 21,21 euros/hora.
- R2 (2º ano): 24,27 euros/hora.
- R3 (3º ano): 27,35 euros/hora.
- R4 e R5 (4º e 5º ano): 30,26 euros/hora.
3. Regulamento e garantía do descanso compensatorio das gardas de venres
O acordo establece o dereito ao descanso compensatorio para os profesionais de centros hospitalarios con réxime de gardas de presenza física de 17 e/ou 24 horas realizadas desde o pasado 4 de setembro de 2026:
- Persoal hospitalario xeral: Disfrutará do descanso nos 15 días seguintes á súa realización. Nos servizos de difícil cobertura onde se poida comprometer a asistencia, poderase acordar un aprazamento coa xerencia da área sanitaria.
- Persoal residente en formación: Tamén desfrutará deste descanso nos 15 días posteriores, preferentemente na primeira xornada hábil seguinte, agás excepcións por necesidades docentes ou formativas que xustifiquen un acordo específico coa xerencia.
