O Concello e Rianxo confirmou a recepción do punto limpo móbil que dará servizo ambiental nas parroquias do termo municipal, facilitando a reciclaxe e o correcto tratamento de todo tipo de residuos e, sobre todo, evitando desprazamentos á veciñanza. O dispositivo foi adquirido grazas a unha axuda da Consellería de Medio Ambiente e Cambio Climático.
“Trátase dun novo servizo que axiña estará dispoñíbel para recoller todo tipo de residuos como pilas e baterías; lámpadas e fluorescentes; roupa; ou incluso pequenos electrodomésticos”, informou o alcalde Julián Bustelo, engadindo que o punto limpo móbil desprazarase de maneira periódica por todas as aldeas favorecendo a reciclaxe e diminuíndo a cantidade de residuos inapropiados que rematan depositados no contedor da fracción resto.
Nos vindeiros días publicarase o calendario de coas datas e localizacións para as próximas semanas.
