O Concello de Rianxo, a través do Servizo de Xuventude, organiza un novo curso de lingua de signos. Terá unha duración de 30 horas e corresponderase co nivel A1.2, que é o que deben afrontar as persoas que xa teñen o nivel básico (nos últimos meses impartiuse tamén en Rianxo o curso correspondente ao nivel A1.1, o básico).
O curso está dirixido á mocidade de 16 a 35 anos empadroada en Rianxo, se ben poderán acceder outras persoas no caso de que queden prazas dispoñíbeis.
As inscricións están abertas ata o 12 de outubro.
O prezo é de 50 euros, con prezo reducido de 35 euros (persoas en situación de desemprego, estudantes, membros de familias numerosas, persoas con discapacidade e persoas vítimas de violencia de xénero).
Desenvolverase os días 20, 22, 27 e 29 de outubro; 3, 5, 10, 12, 17 e 19 novembro (martes e xoves).
O horario será de 16.30 a 19.30 horas.
