O Instituto de Seguridade e Saúde Laboral de Galicia e o Concello de Rianxo organizan unha nova edición do curso de formación presencial dirixido ás persoas traballadoras e profesionais do sector forestal, co obxectivo de proporcionar formación específica sobre os riscos asociados a estas actividades e as medidas preventivas necesarias para traballar con seguridade.
Desenvolverase os días 28, 19 e 30 de setembro e terá 15 horas de duración. O prazo de inscrición estará aberto até o 18 de setembro.
A formación abordará os principais riscos laborais asociados ao manexo da motoserra e da rozadoira, así como as medidas preventivas para reducir a exposición a estes riscos e contribuír á diminución da sinistralidade laboral no sector forestal.
A asistencia é gratuíta e, ao finalizar o curso, o alumnado recibirá un certificado de asistencia expedido polo ISSGA.
A información e inscrición no Servizo de Medio Ambiente do Concello de Rianxo (Aula Activa do Mar) está dispoñíbel en liña.
