O verán está a piques de dicir adeus pero na comarca aínda quedan cousas por celebrar en materia festiva. Por exemplo na parroquia sonense de Nebra, que esta fin de semana (e parte da seguinte) celebra a edición 2026 das súas Festas da Valvanera, entre o sábado 19 e o martes 22 de setembro, organizadas pola comisión veciñal coa colaboración do Concello.
A festa comezará este sábado 19 coa saída das imaxes de cada parroquia do concello sonense cara a Nebra. Logo ás 11.00 está previsto o encontro das imaxes coa Virxe, no empalme de Nebra. Ás 12h celebrarase unha misa solemne no Campo da Festa e logo chegará a vertente musical da man da Banda de Música de Caamaño e a agrupación Sons da Ría. Ás 14.00 celebrarase unha gran exaltación de polbo, churrasco e carne ao caldeiro. Ás 18h actuará de novo Sons da Ría e polo serán, ás 20h, actuará a Charanga Los Galácticos. O acordeonista Martín Pose porá o ramo á xornada arredor das 0.00 horas.
O domingo 20 será a xornada adicada á Virxe das Dores. Logo das dianas e alboradas da agrupación local Falcoeira haberá unha misa solemne ás 13.00 horas con sesión vermú posterior a cargo do grupo JB Son, que volverá actuará ás 22h en clave de verbena.
O luns, día adicado a San Antonio, comezará con dianas e alboradas a cargo de Falcoeira. Ás 13h haberá unha nova misa solemne e ao remate sesión vermú con Fuxión Latina. Pola noite verbena ás 22 con Fuxión Latina.
O martes estará adicado á Nosa Señora da Valvanera. Novamente a xornada comezará da man de Falcoeira. Haberá misas ás 9, ás 10, ás 11 e ás 20 horas. Tamén ás 12 (misa solemne). Antes do xantar haberá unha sesión vermú con Unión y Fuerza, que repiten pola noite (verbena) a partir das 22h.
