A rapazada do Son e da contorna terá este sábado 12 unha destacada cita musical na praza de España da vila sonense, a partir das 19.00 horas. A cita será cunha das grandes bandas do rock galego actual: A Gramola Gominola.
Trátase dunha agrupación formada por Paco Cerdeira (Pakolas, Zenzar), Paula Romero (De Vacas, Coro Encaixe), Anxelo de Xermar (Festicultores Troupe) e Rodrigo Muñoz (Di elas, Lacón con Grelos). O grupo naceu no ano 2015 e dende entón deron centos de concertos poñendo ao público en pé cos cornos en man. Recibiron en 2018 oi Premio Martin Códax da Música ao mellor grupo de música infantil.
Teñen tres libros-CD no mercado publicados pola Editorial Galaxia.
Creado no ano 2015, o grupo caracterízase por ofrecer espectáculos cargados de enerxía, ritmo e moito humor. Teñen como obxectivo achegar a música rock aos máis pequenos mentres promoven activamente o uso da lingua galega.
