A alcaldesa de Ribeira, María Sampedro, e a concelleira de Educación, Nucha Brión, reuníronse hoxe cos representantes das ANPAs do municipio para escoitar as demandas da comunidade educativa. A rexedora comprometeuse á gratuidade do Servizo de Madruga, o cal entrará en funcionamento no 14 de setembro, nas condicións establecidas.
“Este encontro serviu para aclarar a situación e evitar o malentendido que se ocasionou”, dixo, engadindo que “este Goberno municipal ten un forte compromiso coa conciliación e sempre o amosamos coas familias desde as distintas políticas municipais”, en palabras da mandataria local.
Sampedro valorou moi positivamente esta xuntanza que cualificou de “frutífera”, ademais de “mandar unha mensaxe de tranquilidade ás ANPAs con feitos. Deste xeito, tamén se establece unha canle de comunicación directa con Alcaldía e co Concello no seu conxunto, máis alá dos consellos escolares”, sinalou.
