A entrada anticiclónica en cuña despexará os ceos a partir do mediodía, deixando paso a nubes altas e temperaturas diúrnas máis cálidas.
As altas presións continuarán entrando en forma de cuña sobre o territorio galego, condicionadas pola presenza de aire frío en capas medias e altas da atmosfera. Este escenario marcará o tempo tanto na contorna de Santiago de Compostela como na franxa das Rías Baixas, onde a xornada irá de menos a máis en canto a insolación.
- Estado do ceo: O día arrancará con intervalos nubrados a primeiras horas. Co avance da mañá iranse abrindo amplos claros ata quedar, a partir do mediodía, un ambiente despexado con presenza exclusiva de nubes altas.
- Temperaturas: As mínimas experimentarán un lixeiro descenso, deixando primeiras horas frescas, mentres que os termómetros diúrnos tenderán a subir de xeito progresivo pola tarde.(máximas 24 a 26 graos),
- Vento: Soprará frouxo e de compoñente variable durante a primeira metade do día, fixándose de compoñente norte a partir do mediodía.
O noso mar ;vento variable á mañá, do noroeste á tarde e do norte á noite, forza 2 a 3 á mañá e 3 a 4 á tarde e á noite. Mar ovellado á mañá e marusía á tarde e á noite. Visibilidade boa. Mar de fondo do noroeste, con ondas de 1 a 2 metros á mañá e á tarde e 0.5 a 1.5 metros á noite.
