A Consellería de Cultura, Lingua e Xuventude, a través da Secretaría Xeral da Lingua, e coa colaboración do Concello de Outes, inserido na Rede de Dinamización Lingüística, vai realizar un curso dirixido a persoas adultas interesadas na aprendizaxe da lingua e a cultura galegas nun nivel inicial: unha actividade formativa para persoas maiores de 16 anos que se achegan por vez primeira ao galego.
Trátase dun curso presencial, de 20 horas, co que se pretende promover o emprego do galego e o coñecemento da cultura galega en distintos ámbitos da poboación e en todos os contextos da sociedade, dirixíndose particularmente aos novos galegos e galegas provenientes do exterior.
Vai dirixido a un grupo de entre 10 e 20 persoas. e desenvolverase na Casa da Cultura de Outes. Ao remate da formación entregarase un diploma acreditativo.
