Noia vai acoller o vindeiro 8 de agosto un partido benéfico a favor de BarbantTEA, a entidade inclusiva de persoas con trastornos de espectro autista do Barbanza. O partido xogaranse o venres ás 20.00 horas no Estado Municipal Julio Mato “Matito”, en Noia, e enfrontará ao C. F. Noia co C. D. Boiro.
As entradas terán un prezo de 5 euros e a recadación doarase integramente a BarbanTEA, asociación que traballa para mellorar a calidade de vida das persoas autistas e das súas familias, así como para promover unha sociedade máis accesíbel e inclusiva.
Desde BarbanTEA agradecen a colaboración dos dous clubs e de todas as persoas implicadas na organización deste encontro solidario.
“Animamos á veciñanza de Noia, Boiro e de toda a comarca a achegarse ao estadio, desfrutar do fútbol e apoiar esta iniciativa”, sinalan dende a entidade.
Partido: C. F. Noia – C. D. Boiro
Data: 8 de agosto
Hora: 20:00 h
Lugar: Estadio Municipal Julio Mato “Matito”, rúa Bolivia, s/n, Noia
Entrada: 5 €
Destino da recadación: BarbanTEA
