O Concello do Porto do Son vai comezar o curso con formación tecnolóxica para a poboación sénior do termo municipal destinado a fomentar a súa autonomía e a súa capacitación dixital. En concreto, farao co Curso de dixitalización para persoas maiores, organizado xunto coa Consellería de Política Social e Igualdade da Xunta de Galicia e a Fundación Amigos de Galicia.
Desenvolverase baixo o epígrafe @s nos@s maiores, mellor acompañad@.
Na formación trataranse ferramentas como os caixeiros automáticos, os teléfonos móbiles, a aplicación móbil do SERGAS/chave365, a máquina de quendas e outros trámites a ter en conta na vida cotiá.
Celebrarase os días 28 de setembro e 1, 5 e 8 de outubro, en horario de 10:00 a 12:30 horas no Club de Xubilados de Porto do Son. As inscricións poden realizarse no departamento de Servizos Sociais ou no teléfono 981 867 414 de 10:00 a 12:00 horas.
As persoas interesadas poderán inscribirse do 1 ao 21 de setembro.
