Este luns 24, San Bartolomé, as choivas avanzarán de sur a norte con intensidade no oeste e no sur, mentres as temperaturas máximas baixarán na metade leste.
A proximidade dun centro de baixas presións marcará o arranque da semana en Galicia cunha xornada caracterizada por unha elevada inestabilidade atmosférica. O ceo presentarase parcialmente cuberto e as precipitacións iranse xeneralizando de sur a norte a medida que avancen as horas.
Segundo as previsións meteorolóxicas, os chuvascos poderán ser localmente fortes e de carácter treboento, especialmente na franxa oeste e na metade sur da comunidade.
Claves da previsión para a xornada:
- Precipitacións: Chuvascos en progresión de sur a norte, con intensidade puntualmente forte e risco de treboadas no sur e oeste galego.
- Temperaturas: Valores sen cambios xerais significativos, aínda que as temperaturas máximas experimentarán un descenso notable na metade leste.Máximas de 25 gtraos).
- Réxime de ventos: Soprarán frouxos de compoñente sur, acadando intervalos de intensidade moderada no tramo costeiro comprendido entre A Guarda e Fisterra, así como nas zonas altas do interior.
O noso mar: Vento do sueste á mañá, do sur á tarde e do sudoeste á noite, forza 3 a 5 á mañá e 2 a 4 á tarde e á noite. Marusía á mañá e á tarde e mar ovellado á noite. Visibilidade regular á mañá e á tarde e boa á noite. Mar de fondo do noroeste, con ondas de 0 a 1 metros.
