A veciñanza de Rianxo segue adiante este verán reivindicando a excelencia dos seus produtos do mar. Desta volta tócalle á parroquia de Leiro, onde o lugar de Rañó, concretamente o merendeiro da Lomba, acollerá este sábado 8 de agosto a quinta edición da súa Festa Gastronómica de Produtos do Mar.
O evento, que ademais de exaltacións gastronómicas inclúe actuacións musicais, darán comezo ao mediodía, xa case á hora do xantar.
As actividades arrincarán cunha sesión vermú a cargo da Banda Xuvenil da Escola de Música de Rianxo.
Logo comezará o xantar amenizado pola agrupación Río do Anxo.
Despois de comer, ás 17.00 horas, actuarán D’Crooners Band e máis tarde haberá picadiscos (DJ).
As racións serán de empanada de xouba, de choco na súa tinta, de anguía fritida e de polbo con fabas e ameixas.
Compre reservar mesa a través do teléfono 658 116 944.
Na organización está a Confraría de Pescadores, a veciñanza de Leiro e o Concello de Rianxo.
