O menú cultural de Barbanza este verán é ante todo variado, con propostas para os máis melómanos. Un exemplo disto é a edición 2026 do festival Jazz Noia 2026, organizado polo Concello de Noia a través da Concellería de Cultura.
Celebrarase as noites do venres 14 e o sábado 15 de agosto de 2026. Os concertos, que son todos de balde, encherán de música en directo a praza da Constitución, no corazón do centro histórico da vila. Todas as actuacións nocturnas comezarán ás 21:30 horas.
O programa reúne grandes músicos e propostas moi diferentes.
Venres 14
21:30 h · Rubén Reinaldo Quartet
23:00 h · Xan Campos presentando Amorodio
Sábado 15
21:30 h · Atlantic Bridge Trío & Steve Brown, presentando o disco Return to standard
23:00 h · RPE Trío & Puri Penín, co espectáculo Revista do pop español
E tamén o sábado, ás 13:00 h no Coliseo Noela, teremos unha clase maxistral de Steve Brown sobre os fundamentos do jazz.
