No marco da célebre Romaría de San Ramón de Bealo (Boiro) vaise celebrar na dita parroquia, este luns 31 de agosto, unha actuación infantil e familiar de Cé Orquestra Pantasma, a partir das 17.00 horas, de entrada libre.
Será unha cita para todos públicos organizada polo Concello ao abeiro da rede cultural da Deputación da Coruña.
Cé Orquestra Pantasma é o proxecto musical unipersoal e versátil de César Freiria,n músico autodidacta vigués que actúa como un auténtico home orquestra. Desde o verán de 2008, percorre festas, feiras e festivais de toda Galicia e Portugal cun espectáculo cargado de enerxía, ritmo e interacción co público.
No marco da rede cultural da Deputación, Cé achega unha proposta clásica. Nela, César Freiria toca simultaneamente o acordeón, o bombo, os pratos e instrumentos de vento. Está pensada para dinamizar prazas, feiras tradicionais e festas populares dos concellos coruñeses.
