A Escola de Música de Muros abre desde este 1 de setembro, e ata o 18 de setembro a segunda convocatoria de matrícula para o curso 2026-2027.
As inscricións poden formalizarse na sede da Escola de Música no edificio San Xosé de Muros os luns, mércores e venres, de 10:00 a 14:00 horas, e os martes de 16:00 a 20:00 horas.
Na sede da Escola de Música en Esteiro, no edificio do Areal, poden formalizarse as matrículas os martes e xoves, de 10:00 a 14:00 horas, e os mércores de 16:00 a 20:00 horas.
“A Escola de Música continúa consolidándose como un espazo de referencia para a formación musical no noso concello, cunha programación moi variada para nenos, nenas e adultos”, sinalou a concelleira de Ensino de Muros, Laura Rivadeneira, ao tempo que animou “á veciñanza a matricularse e formar parte da escola”.
Pola súa banda, o director da Escola de Música, César Acuña, engade que “este curso traballaremos cada día para ofrecer unha formación musical de calidade, cun ensino próximo e adaptado ás necesidades de todo o alumnado”.
Na primeira convocatoria formalizaron a súa matricula 75 alumnos e alumnas.“O noso obxectivo é que cada persoa atope na escola un espazo no que aprender, medrar e gozar da música”, remata Acuña.
