A Escola de Música da Pobra abre os días 25 e 27 de agosto o primeiro prazo de matrícula para o curso 2026/2027, destinado á reserva de prazas.
O proceso desenvolverase ás 20.00 horas na Casa da Cultura Raquel F. Soler.
Segundo informou o Concello, a formalización da reserva garante a praza e permite ter preferencia á hora de escoller os horarios. A elección poderá realizarse por teléfono, sen necesidade de facer colas nin esperas.
Cómpre ter en conta que, unha vez publicados, os horarios se adxudicarán por rigorosa orde de matrícula.
Para obter máis información, as persoas interesadas poden contactar con Organistrum a través dos teléfonos 636 342 485 e 616 901 276, ou do enderezo electrónico organistrumsc@gmail.com.
Tamén está dispoñible o contacto da AC ESMU A Pobra, no teléfono 653 296 378 e no correo electrónico esmuapobra@gmail.com.
