O BNG de Ribeira reclamou ao Goberno municipal do Partido Popular que respecte o destino orixinal da nave de Cerqueira e a transforme nun equipamento social, cultural, deportivo e comunitario ao servizo do municipio, poñendo especial foco no barrio de Banda ao Río.
O portavoz nacionalista e exalcalde, Luís Pérez Barral, criticou a apertura duna consulta pública por parte do executivo local, sinalando que demostra a “falta de proxecto” do PP para o municipio. Desde a formación lembran que a compra do inmoble respondeu a unha estratexia de transformación urbana impulsada durante o anterior mandato, a cal contemplaba un uso polivalente da nave e un museo do mar na zona de vivenda.
Pérez Barral advertiu ademais de que alterar de forma significativa o destino do inmoble pon en risco os máis de 6,5 millóns de euros en fondos europeos acadados polo Concello en febreiro de 2025, xa que a nave formaba parte da estratexia aprobada para dita financiación. Así mesmo, o BNG amosou o seu apoio ás demandas.
