Foi evidente na carreira de Mariano Rajoy como máximo responsable do PP e presidente do Goberno, mais tamén o é na de Alberto Núñez Feijoo na súa condición de presidente nacional do PP: ambos os dous semellan ser “incongruentes” en circunstancias que politicamente fan cavilar sobre a súa capacitación para ostentar ese cargo de máximo dirixente do principal partido político de España.
Despiste, falar por falar ou seren conscientes de que o que dicían serían un “destacado” nos medios de comunicación?. “Un vaso é un vaso e un prato é un prato”, dixo unha vez Rajoy, autor asimesmo da popular “Canto pior mellor para todos e canto pior para todos, mellor para min, o seu beneficio político”.
Feijoo non se mete nestes “fregados”, pero onte “descontrolóuselle” unha apreciación, tal ve consecuencia das ganas que ten de que se celebren eleccións xerais e que estas lle permitan ocupar o palacio da Moncloa.
Ultimamente o presidente do PP ataca constantemente a RTVE e, posiblemente levado po esas ganas de cambio responsabilizou aos actuais dirixentes da radio e a televisión públicas de España de manipular os informativos e non atopou nesta ocasión nada mellor que acusala de incumprir os estatutos da radio-televisión pública sinalando que os informativos deben ter en conta os resultados electorais e asignar os tempos da información en relación dos estes.
Imaxina o lector que sería un informativo no que primasen, efectivamente, eses resultados sen dar valor á información?.
Ás veces canto se gaña estando calados.
