Unha persoa foi evacuada ao Hospital Clínico de Santiago tras un lume que queimou a campá extractora e os mobles da cociña dun piso na rúa de Xosé María Brea Segade, en Rianxo.
Foi a Policía Local a que informou ao 112 Galicia do incendio dez minutos despois das 5 horas da madrugada, sinalando ademais que había unha persoa na ventá.
Ata o lugar desprazáronse Urxencias Sanitarias de Galicia-061, os Bombeiros de Boiro, a Garda Civil e os voluntarios de Protección Civil. Tamén se informou aos Bombeiros de Ribeira, que non chegaron a actuar.
