O Club Serres Runners, coa colaboración do Concello de Muros, volve organizar un trail nocturno, está vez o Trail do Naraio na parroquia de Louro. Será este sábado 25 de xullo a partir das 21:45 horas.
“Estamos ante unha proba distinta, xa que transcorre de noite polos nosos montes”, asegura Damián Torea, concelleiro de Deportes, engadindo que “xa hai 200 persoas inscritas e dende o concello queremos felicitar aos Serres Runners por realizar unha nova actividade que atrae a tanta xente ao noso concello”, engade.
O Concello agradeceu a implicación da persoal de Obras do Concello, a UD Monte Louro, a Policía Local e o GES de Muros, “xa que sen a súa axuda e sen a colaboración entre departamentos municipais a realización dun evento así sería imposíbel”.
A saída ten lugar dende o Campo de Fútbol Agra de Filgueira.
